Прыём асобы для атрымання агульнай базавай адукацыі ажыццяўляецца на падставе яе заявы пры прад'яўленні ёй пасведчання аб нараджэнні або дакумента, які сведчыць асобу, і медыцынскай даведкі аб стане здароўя. Ад імя непаўналетняй заявы падае яе законны прадстаўнік.
У I клас прымаюцца асобы, якім на 1 верасня адпаведнага навучальнага года спаўняецца шэсць і больш гадоў. Па жаданні аднаго з законных прадстаўнікоў дзіцяці дапускаецца прыём у 1 клас асобы, якой шэсць гадоў споўніцца ў перыяд з 1 верасня па 30 верасня адпаведнага навучальнага года.
Для прыёму дзяцей у 1 клас законныя прадстаўнікі ў перыяд з 1 чэрвеня па 28 жніўня падаюць заяву на імя дырэктара школы Вараб'ёвай І.А. (фармат А4) і прадстаўляюць наступныя дакументы:
- даведку аб стане здароўя дзіцяці;
- копію пасведчання аб нараджэнні.
Прыём дзяцей у 1 клас ажыццяўляецца без уступных іспытаў, прысутнасць дзіцяці пры падачы дакументаў у школу не абавязкова.